Kya Mera Haal Hai

  • Share this Shayari on Google+
  • Publish on your Blog
  • Share this Shayari on Facebook
  • Tweet this Shayari
  • Share on Linkedin

Main Khud Bhi Sochta Hoon Ye Kya Mera Haal Hai
Jiska Jawaab Chahiye Vo Kya Sawal Hai

Ghar Se Chala To Dil Ke Siva Pass Kuch Na Tha
Kya Mujhse Kho Gya Hai Mujhe Kya Malaal Hai

Aasoodagi Se Dil Ke Sabhi Daag Dhull Gye
Lekin Voh Kaise Jaaye Jo Sheeshe Mein Baal Hai

Majboor Hoon Aaj To Ilzaam Kisko Doon
Kal Maine Hi Buna Tha Ye Mera Hi Jaal Hai

Fir Koi Khwaab Dekhun, Koi Aarzoo Karun
Ab Eh Dil-E-Tabaab Tera Kya Khyaal Hai…

– Javed Akhtar