Urdu Shayari

Urdu Romantic Shayari for Lovers

Jab Se Uske Husan Pe Padi Hai Nazar
Main Ho Gya Hoon Apni Hasti Se Bekhabar

Meri Duaon Ka Kuch Aisa Hua Hai Asr
Mujhey Mil Gya Hai Mere Khawabon Ka Pekar

Uske Pyar Ne Mujhe Zare Se Aaftab Bana Diya
Main Ban Gya Hoon Qatre Se Samundar

Mere Jism Mein Wo Basi Hai Rooh Ki Tarah
Aisa Ashyana Chhod Kar Wo Jaye Gi Kidhar

Pyar Ki Raahon Mein Sambhal Kar Chalta Hoon
Suna Hai Yeh Raaste Hein Bade Purkhatar

– M.Asghar Mirpuri

Sad Shayari on Aansu

Mujh Se Kinara Kar Ke, Kuch Pal Toh Us Ne, Apni Ankhon Ko Dhoya Hoga
Baith Ke Kisi Kone Me Sar-E-Shaam Kuch Aansu Toh Wo Roya Hoga

Peshemaan Toh Wo Boht Hua Hoga Apni He Berukhi Se
Khaab Me Na Sahi, Neend Se Pehle Meri Yaad K Baad Hi Wo Soya Hoga

Ahbab K Qarb Me Maine Yahi Aik Baat Seekhi Hai
Us Ne Bhi Kisi Tareeqi Ke Kone Main Apne Aansu Ko Peeroya Hoga

Mera Dil Nhi Dukha Par Main Hazaar Aansu Roya
Meri Manind Na Sahi, Par Fursat Me Qaraar Toh Wo Khoya Hoga

Mere Dard-E-Dil Ko Koi Samjtaa, Toh Phir Kisi Ko Gila Na Rehta Harf.E.Muhabbat Se
Mse Kia Maloom, Maine Kis Kis Samandar Main Khud Dooboya Hoga

Main Apne Fan-E-Naqsh-E-Nigari K Charchy Kyun Karon, Kyun Sunaau Main Apne Afsaany Sb Ko,
Mujhe Maloom Hai Wo Kisi Aur Ka Ho K Bhi Mere He Khayalon Main Khoya Hoga.

– Vicky Khokhar

Meri Aarzoo Sad Love Shayari

Aik Muddat Se Rahi Hai Yeh Aarzoo Meri
Ke Kab Tujh Se Ho Gi Guftgoo Meri

Aaj Duniya Humein Milne Nahi Deti
Aik Din Mohabbat Ho Gi Sarkhroo Meri

Mera Jeena Aur Marna Sab Tere Liye
Saansoon Ki Bhi Mukhtaar Hai Tu Meri

Dil Tere Hi Khyalon Mein Khoya Hai
Rooh Bhatak Rahi Koobakoo Meri

Main Khizaaon Ki Rahon Ka Musafir Hoon
Kabhi Bhool Kar Bhi Na Karna Jastjoo Meri

– M.Asghar Mirpuri

Udas Mohabbat Shayari in Urdu

Agar Tujhey Nafrat Mere Naam Se Hai
Phir Kyon Mohabbat Mere Klaam Se Hai

Jis Ka Mashgla Tha Auron Ko Dukh Dena
Aaj Wo Udas Ghamon Ki Shaam Se Hai

Mohabbat Mein Kisi Tafreeq Ke Hum Nahi Qaabil
Humein To Mohabat Khaas-O-Aam Se Hai

Jis Ki Deed Ko Aankhein Tarash Rahi Hain
Usey Na Fursat Apne Kaam Se Hai

Hum Ne Mohabbat Ka Agaaz To Kar Diya Asghar
Hume Na Koi Garaz Anjaam Se Hai

– M.Asghar Mirpuri

Teri Zindagi Mein Shayari

Teri Zindagi Mein Shayari

Teri Zindagi Mein Kabhi Koi Na Gham Aaye
Tere Muqadar Mein Har Khushi Sanam Aaye

Teri Aarzoo Ka Chaman Sda Mehkta Rahe
Tere Qareeb Na Kabhi Koi Ranj-O-Aalm Aaye

Teri Zindagi Duniya Ki Khushion Se Bhri Rahe
Ghamo Ki Na Kabhi Koi Shaam Aaye

Koi Pareshani Tere Qareeb Na Aane Paye
Teri Zindagi Mein Koi Na Paich-O-Kham Aaye

Asghar Ki Faqat Yehi Tamanna Hai Jana
Ke Tere Sath Mera Bhi Naam, Aaye…

– M. Asghar Mirpuri

Tere Bagair Zindagi Shayari

Aankh Ashqon Se Khoonbaar Hui Jaati Hai
Zindagi Baes-E-Aazaar Hui Jaati Hai

Hamara Milna Bhi Ab Khawab Lagta Hai
Hamaare Darmiyaan Judai Deewar Hui Jaati Hai

Na Jaane Vasal Ki Shab Kab Aaye Gi
Ab To Saans Bhi Dashwaar Hui Jaati Hai

Main Isey Kaise Zindagi Keh Doon
Jo Basar Tere Bagair Hui Jaati Hai…

– M. Asghar Mirpuri